La loi nepli applicable pu VOH?

Mone fek lire ene l’artikle lor VOH dans defi hebdo. VOH la franchement ki li eter sa? Ki so entité dans moris? C’est la kestion ki mo pose mwa! Ene fwa mone deza gagne ene diskission lor VOH ek ene camarade ki ti tourne a la vinaigre. Komadirer, pas capav cose ou kestion entité VOH.

Mo pas gagne ene compran kifer banne morisien capav narrow-minded a ce point. Guete ene coup seki ine passer dans l’artikle la, membre VOH ine agresse ene policier ki ti en fonction. Et lor la, banne haut grader dans la police ine obliger largue membre VOH ki ti en detention pour pas gagne plis probleme. VOH ki li eter li pu ki zote la haut la loi?

Eski banne la per zote? Eski zote ena sa kantiter pouvoir la? C’eter sa mo kestion ek mo camarade ki finalement, mone bzin koma dire en gros creole “bousse mo fesse” reste trankil. Personne pena droit pose kestion lor l’existence VOH.

O lieu ki zote encoler, zote ti capav explik clairement ki eter sa VOH. Eski la loi pas exister pu sa banne VOH la? La kestion se pose et reste sans reponse!

Et lor la, mo sire, pu ena plein COMMENTS pu dessane mwa lor la.

Attane ek gueter!!

Difference entre Casser Fesse ek Fesse Casser!!

Mone apprane lor sa ti la terre la, ena 2 genre dimoune. Banne casser fesse ek banne fesse casser. L’histoire fine tou le temps demontrer ki banne casser fesse zote imbattable et zote pran banne fesse casser pu banne couyons. Et sa ti des milliers annee avant lepok dinosaur. Entre d’autre mots, nu banne fesse casser pu tou le temps paye les po casser ek banne casser fesse.

Mwesperer ki zote ine compran sa ti zistwar la et pran conscience mem n’importe ki gouvernement pu vini, nu pu reste banne fesse casser et zote banne misier ki mete gros palto, pu reste casser fesse. Abe lepeuple p montrer ki zote extra couyon p sarier gros gros pavillion coleur rouge, bleu, orange, mauve demontrer ki zote partisant tel et tel parti politik.

Mwa mo demande zote, eski sa banne parti politik la conne nu banne fesse casser? Ou bien zote guete zote propre l’interet (donc zote propre poche)? Ouvert zote lizier banne camouade, napa reste couyon. Nu banne fesse casser ki mette sa banne casser fesse la lor pouvoir alors nu ki bzin pran conscience, si zordi zour nu p passe gran mizer, c parski NU MEM nu la faute!! Napa vine dire mwa “pas mwa sa, li sa ki vote zote”, pu sa zote ine monte lor pouvoir sa banne casser fesse la, bzin zote pu voter dans elektion generale. Alors napas zete boule lor ledos zote camouade, pran conscience la realiter, NU RESTE BANNE FESSE CASSER TOU LE TEMP!!

Alors fer maniere ki la prochaine fwa, nu pas refer mem errer, ek decide bien kisana pu mete lor rang CASSER FESSE!! Napas guete couleur lapo, napa guete so communauter, si li fer bon travay pu banne fesse casser, alors li ene bon casser fesse!!

Donc sipas nu zaune, nu maron, nu nwar ou nu blanc, nu tou humain et nu tou fesse casser!! Arrete fer RACISTE dans moris (pour ne pas dire Communale – La base de Communale c’est la raciste). Mo prefer nu employ le mot RACISTE ki communale. Arete fer HYPOCRITE lor sa la terre la. Vini fran fran dire NU RACISTE!!!!! MORIS ENE PAYS RACISTE malgres ki nu ene pays multi-couleur cote ena plein communauter p vivre ensam!! Acoz ene Casser Fesse li blanc, zote p nek target li tou les zours, parier so nom ti ena ene “singh” ar li et li ti lapo maron. Tou banne fesse casser ti pu content li.

L’histoire ine touzour demontrer koment HUMAIN eter et sa zamai li pu changer tan ki encor ena banne Fesse Casser ek Casser Fesse.

Bon, mo crwar mone bien cose bukou zordi, mo alle pran ene ti repos pu la prochain mwa mo RE-LAVE linge sa en PIBLIK!!!

Telecom Plus ou le sois disant Orange! Service “IMPECABLE” DIRE OU!!

Bonzour banne cher concitoyen!

Azordi, mone decide pu ecrir imper lor nu cher ami le Telecom Plus (Orange) plus connu sous le nom de “voler”. Sa excite mwa kan mo p ecrire sa lartikle la parski telmen service Telecom Plus Orange extra super hyper bon.

Nu tou coner ki Moris depend lor information pu li capav survive ki dans li secteur priver ou secteur public. Sois disant le monde IT pu vine 3eme pilier economik pays. Aber laisse mo dire zote, sois gouvernement ek so sous parti (ICTA) p couyonne banne morisiens. Kifer mo dire sa? Aber ICTA sois disant ene organization ki gouvernment tout seki appel technologie n’est-ce pas? Aber mwa mone gagne ene ti nouvel parmi mo banne source priver, ki ti ena ene compagnie morisien ki ti envi servi SAT pu so interconnection a l’etranger. Remplace ki li servi Telecom so cable SAFE, compagnie la ti pu INDEPENDENT.

Figure zote ki ICTA ine decider? Li pena droit fer sa! Aber matelot si ene compagnie willing pu payer pu gagne so propre inter-connection pu li servi, to pas donne li droit travay? Alors li oblizer mort ek Telecom/Telecom Plus ou Orange??? Apres zote dire PENA MONOPOLE lor marcher internet??? P demontrer ki sa organization gouvernemental la, li extra FAUSSE! Li p couyonne morisiens. Et lor la, tout banne les zote ISP, b bzin mort ek TELECOM so BACKBONE ki sous bien connu sous le nom de SAFE!! Matelot, ki li ICTA ou TELECOM, ene sel group organization sa!! Donc v dire si banne ISP envi offer service internet, bzin alle tappe laport TELECOM pu gagne inter-connection (et prix la li inchangeable).

Sa 1, aster nu guete so 2eme point. Komier fwa ena banne morisiens plaigner ek lenteur ou disconnection ilimiter lor zote reso Broadband. Komier fwa banne internaute ine bzin telephone hotline le sois disant grand mark WANADOO (A lepok) aster pov diable, line vine (ORANGE) pu plisse nu tonkin plis encore!! Komier fwa zote ine telephoner?? Pas capav compter non? Komier fwa zote ine gagne reponse, CONNECTION INTERNATIONAL PAS GUARANTIE par TELECOM? Aber si kom sa, mo demane mwa koment nu banne camouade dans l’ile soeur p gagne ene guarantie d’usage extra-ordinaire!! Et zote p servi meme cable ki nu, le fameux cable SAFE!! Si telecom pas fouti donne ene service koma bizin, plier bagage aller!!! Napa vine dire nu ki zote sel compagnie ki offert bon service!! Li normal ki zote no. 1 parski zote p gagne sa MONOPOLE lor cable SAFE et zote p boycott les zote ISP… Vine montrer mwa ki mwena tort!!

3eme point, mo demane mwa eski parti Customer Service de TELECOM, li controller par banne dimoune “ULTRA” competent. Ene fwa mo rapel, mo telephone le service HOTLINE 2037272. Mone obliger couper et retelephoner telment mo en attente. Mo gagne ene ti la voix p dire mwa “bienvenu etc bientot pu gagne ene dimoune pu pran mo call”. 15mins mone attane, et zamais ti ena dimoune ti pran call. Bon sa pas trop grave, mo compran, capav dimoune la ti bzin alle fer so ti besoin etc. Mais pli comik, kan ene dimoune pran lapel la, toute de suite li couper. Donc mone bzin repasse encore dans sa probleme attane la. Et finalement, mone gagne ene ti mamzel ek ene ti boug, fouf… ine bien tappe mwa lor mo nerfs!! Zamais mone gagne ene service ki meme pas CUSTOMER FOCUS!! Pose twa plein KESTION ki fer twa penser zote extra MALIN ek to ene GROS COUYON p assize derriere lecran! Parfwa zote oublier ki dimoune p telephone zote, capav mem PLIS EXPERT ki zote lor INFORMATIK telment sa banne kestion ki zote poser la, capav fer twa pisse dans calcon ek “MORT DE RIRE”. Et lor la de plus, banne dimoune ki travay lor BACKGROUND la.. les sois disant ADMINISTRATEUR, sa fer gagne plis “rier” encor. Mo crwar mone assez raconte lor BON CUSTOMER SERVICE TELECOM.

4eme point, banne “CONTACT US” ki ena lor Orange/Telecom Plus so site la… Wadirer li dans vite. Vu ki mone plein passe par telephone pu cose ek banne dimoun ULTRA COMPETENT. Mo dire laisse mo passe par EMAIL, si mo la chance ek mwa, mo capav gagne ene dimoune ki MOINS COMPETENT et ki capav aide mwa. Ayoo papa… zote conne l’expression komadirer p cose ek ene MIRE? Aber samem to senti matelot. SERVICE CONTACT US par MAIL de TELECOM PLUS/ORANGE super BON. Kan to fini avoye to mail, tout de suite to gagne ene reply back decrire twa line gagne to mail et li pu bientot contacter twa. Foutou va, mo nepli mem capav COMPTER komier mail mone avoyer pu gagne ene reponse a mo banne kestion. Bzin dire SERVICE IMPECABLE chez TELECOM PLUS/ORANGE!!! Mo demane mwa sa banne gran misier ki roule gros gros BM ou Mercedes ki zote p fou dans sa compagnie la. Wadirer le focus customer service li kasi inexistant. Soi mentaliter morisien la ki kom sa, mo meme pas coner. Ou bien pourvu zote ine bez casse banne ti morisien mo nepli conner.

Ahh aster mo cose lor mo point FAVORI!!! Prix broadband… hey zote p dire moris bzin avancer… avek connection 512kbps ki zote p offert la… mo crwar MORIS tousel NIMERO 1 dans le monde ki donne banne VITESSE connection ULTRA RAPIDE!!! Oui mo frer ULTRA RAPIDE pu Rs 1390 + VAT!!!!!! Et lor la CUSTOMER SERVICE IMPECABLE DIRE OU!!! Number ONE in dans le monde!!! TOP SA!!! TOP!!! Pena personne ki capav batte TELECOM PLUS/ORANGE!!! FREEBOX p offert 28MBps lor connection degrouper pu 29.99EURO + Banne service apart… sa demontrer koma FREEBOX dans BEZ comparer ek TELECOMPLUS/ORANGE!!

Enfin, sa demontrer la PUISSANCE de nu ti pays a casse tonkin banne ti morisiens!! Mo penser ki mone assez manze zote coco avek tousala, mais mwesperer ki l’article la, fer zote reflechir imper lor MORIS cote nu fine arriver!!

Ahh l’ile Moris!

Bonzour tou dimoune… wai zordi mone d’cider pu coz imper lor Moris, soi disan ile paradisiac. Aber laisse mo dire zote imper mo banne l’opinion vu ki nu dans ene pay “DEMOCRATIE”!!

Nu tou koner c’est koi le 1er mai ici, f’ete du travay. Mai mal’érezmen 1er mai dan Moris ine vine plito ene d’magozi (Terme ki l’alliance sociale servi tou le temps).

Laisse mo explik zote kifer 1er mai ene d’magozi.

1. Ene certaine Misier dan l’alliance sociale ine trouve pu gagne letemps alle misir la place so adversaire pu koner komier partisant capav ramasser. Hey matelot!!! Remplace ki to perdi to letemps fer tousala, to pas ti capav sacrifier to letemps imper lor l’avenir Moris?? Ki to p vine essaye montrer dans television?? Ki to conne fer mathematique?? Remplace to p fer d’magozi to mem, alle trim imper sa tonkin la pu fer pays avancer, twa ek to banne camarade l’alliance sociale!!

2. Sa l’anner la mo ti p attane ene miracle vu ki banne transport bis ti dire zote pu boycott le 1er mai.. Mais mal’érezmen, l’alliance sociale telment bon coeur ine donne zote ogmentation o detriment du peuple Morisien. Kifer mo dire sa? Demane zote komier ene bis couter!! Base nu ki ene bis coute Rs 3000. Abe aster banne compagnie transport zote p donne ene millier (1000) donc, si to calcul bien li fer twa facilmen 3million? Aster le 1er mai pas ziste transport kiena! Ena manzer, bwar, cigarette et mem la drogue (napa oublier rumeur sur notre Attorney General lepok Kaya) tout svp etc ki sa banne parti politik p donner. Ene dans lote fer li 1-2million encor (sa minimum sa). Abe p fer twa facilmen 3-4million par sak parti politik. Aster mo pas pu dire plis ki sa, alle ouvert zote lizier tangue zote mem!!

3. Mone ecoute nu minis cozer zordi… WAAA sa montrer li ene gran zom politik!!! Non seulment ene gran zom politik, mai li p montrer ki li oci ene gran couyon!! Li p crwar kan li p coule so banne camouade, li p gagne la gloire!! Li p cose prozet TianLi dans riche terre!! Nu tout koner ki d’magozi ine passer lor la!! Li pran la bon la terre cote capav cultive brete etc donne banne sinwa pu fer development, wadirer la terre ti manker dans sa pays la!! Li coze trou noire, mai wadirer ki line oublier li ti dans gouvernement avant et li mem ti fer trou dans la caisse!! Li rode vine montrer dimoun, pas mwa sa li sa!! Matelot, montrer to ene vrai zom, to dire to camouade la soif pouvoir, aber twa mo frer, ki to p fer ici? Demontrer ki to pas la soif pouvoir, plier bagaze aler, et laisse banne nuvo disang develop sa pays la!!

4. Ena banne certain politiciens content critik zote camouade, mais zote mem pas pli bon kisa!! Zote pointe ledoit lor zote camouade et gagne toupaix dire so la main salle kan li meme so la main salle!! Hey matelot, alle plant callebasse to fer bien apres to vine montrer zako manze banane!! Wadirer ton paul p manze zote l’anis ek disel ek pimen, telment conference de press lor conference!! Remplace zote p perdi zote letemps fer conference, passe zote letemps lor probleme sa pays. Zote cwar zote p montrer le peuple ki zote malin, mais bien o contraite p montrer le peuple ki zote ene banne zouave ki p diriz sa pays la. Aster alle montrer mwa ki mwena tort!! Arete gaspille casse fer conference!! Trim zote tonkin pu pays plitot, sa ki interess mwa!! Mo pas guete parti rouge, bleu ou mauve mwa!! Zote pu nek coze zote prochain lor plato 1er mai.

5. Hey matelot, ki apel fete du travay, c’est ene moment cote tou travayer zouene discuter amizer. Mais 1er mai ine chanzer aster, le 1er mai p demontrer dan l’histoire du pays ki banne zako kiena a la tete du pays content fer gaspillage. Guete tanto dans television nationale ki kaliter kaka pu derouler mo dire ou!! Moris ene pays p fini ziste acoz politik malsain!!! Mwa mo dire banne zeness ki ena guts, pran bagage alle immigrer dans lote pays!! Pena lavenir ici dans ki sa banne vilain politiciens et surtout banne politiciens malang leve packer aller!! Moris = Zero l’avenir… guete koma banne prix p monter malgrer ki roupie ine sois disant “apprecier”… Ene fwa de plus montrer ki nu chancelier ek zote gros lizier “hisense” la bien “malin”!!

6. Bon aster nu coz imper lor lekip des mauve!! Zote, aller vini meme santer “election” p coster!! Hey matelot remplace to p gaspille to salive lor la, kifer to pas mete la main a la patte ek parti sociale develop sa pays la!! Zote travay sa nom? Le peuple p paye gros tax pu zote place dans “l’hemisphere” l’assembler nationale (pou ne pas dire l’hemicicle pu ki labas remplace pu negocier l’avenir pays, sakene p dire couteau contre zote camouade et nek conne fer walk out).

Bon banne zeness, mo crwar li asser pu zordi. Mo va re-poster ene lotte l’entrer encor si toute fwa mo gagne l’aspiration manze sa banne gros latete ki ena dans nu pays la encor!!

Sur ce, mo dire zote passe ene bon 1er mai.